చంద్ర‌బాబుతో భేటీ అయిన టీటీడీపీ నేత‌లు

ఆంధ్ర‌ప్ర‌దేశ్ ముఖ్యమంత్రి చంద్ర‌బాబు నాయుడు విజ‌య‌వాడ‌లో తెలంగాణ టీడీపీ నేత‌లతో స‌మావేశ‌మ‌య్యారు. నిన్న టీటీడీపీ నేత‌ల‌తో ఏర్పాటు చేసిన స‌మావేశం అసంపూర్తిగానే ముగిసిన విష‌యం తెలిసిందే. త‌మ పార్టీ నేత రేవంత్ రెడ్డి వ్య‌వ‌హారంపై ఈ రోజు చ‌ర్చించాల‌నుకున్నారు. ఈ స‌మావేశంలో పాల్గొన‌డానికి వ‌చ్చిన రేవంత్ రెడ్డి పార్టీకి, పార్టీ ప‌ద‌వుల‌కి రాజీనామా చేసి వెళ్లి పోవ‌డంతో రేవంత్ రెడ్డి విష‌యంపై ఎలా వ్య‌వ‌హ‌రించాల‌న్న అంశంపై, తెలంగాణ పార్టీ కార్య‌కలాపాల‌పై చంద్ర‌బాబు కీల‌క చ‌ర్చ జ‌రుపుతున్నారు. ఈ సమావేశంలో టీటీడీపీ అధ్యక్షుడు ఎల్‌.రమణతో పాటు మోత్కుపల్లి నర్సింహులు, గరికపాటి, అరవింద్‌కుమార్‌ గౌడ్ పాల్గొంటున్నారు.